Banyuhay*
Christine Marie Lim Magpile
Sarili’y di mahango.
Saan dapat patungo?
Buhay kay gulo-gulo.
Ikaw ba’y nalilito?
Paghihirap ni Hesus,
Alalahanin sa Krus.
Masama ka mang damo,
Kaligtasa’y natamo.
Naligaw man ng landas,
Pagmamahal na wagas,
Matatagpuan sa D’yos.
Ang buhay mo ay puspos.
Ang kapwa ay kapatid.
Kabutiha’y ihatid.
Maging kalugod-lugod,
Sa Diyos ay maglingkod.
*Banyuhay (Bagong anyo ng buhay)
